|
|
|
Gemeente, Predikante, Ouderlinge en Diakens| Geskiedenis van die gemeente | Geref Kerk Bellville-Oos op Facebook | Wyke |Ons is 'n lid van die Gereformeerde Kerke in Suid Afrika. Ons aanvaar die Bybel as die Woord van God en ons belydenisskrifte som ons geloofsoortuiginge op. Die Gereformeerde Kerk Bellville-Oos dek 'n groot geografiese gebied vir 'n stedelike gemeente wat strek van die Weskus in die weste tot by Kraaifontein in die ooste en Durbanville in die noorde tot Kuilsrivier in die suide. Daarby is daar nog 'n aantal verspreidwonende lidmate wat ook deur die gemeente bedien word. In 2009 was die totale getal belydende- en dooplidmate 1078 gewees. Daar is 'n wye verskeidenheid van aktiwiteite
in die gemeente, vanaf evangelisasiewerk in Mitchellsplein en
Grassy Park tot uitreikaksies by skole en informele nedersettings
(Caritas & Koningskinders). Daar is 'n aantal groepe wat op mense
in verskillende ouderdomme of aktiwitiete fokus: ... om 'n paar aktiwitiete te noem. Ons is geseënd met twee bekwame en hardwerkende predikante, di. Reinder Kingma en Henning Venter. Ons eredienste en meeste van die gemeenteaktiwiteite vind in ons gemeentesentrum op die hoek van Cherry- en Redwoodstrate, Bellair, of in die kerkhuis, regoor die gemeentesentrum, plaas. Die gemeentesentrum is maklik bereikbaar vanaf die N1 deur die Old Oak afrit (vanaf Kaapstad) of die Branckenfell afrit (vanaf die Paarl) te gebruik. Draai regs in Frans Conradierylaan - dit word Suikerbosstraat vanaf die Old Oakweg-kruising. Raadpleeg die padkaart hieronder.
Bron: Map Studio
Die gemeente is ingedeel in 52 wyke, gebaseer op huishoudings in geografiese gebiede. Ons het tans twee predikante in die gemeente, di. Reinder Kingma en Henning Venter. Die gemeente word gelei deur die predikante en die ouderlinge (die Kerkraad). Saam met die Diakonie word na die geestelike en stoflike belange van die hele gemeente omgesien. Terwyl die ouderlinge omsien na die gemeentelede se geestelike lewe met onderrig, bemoediging en vermaning, sien die diakens om na die onderlinge meelewing in die gemeente en die lidmate se daaglikse lewensbehoeftes met hulp waar daar 'n gebrek aan kos, klere, blyplek, gesondheidsorg en maatskaplike sorg ontstaan waarin die lidmate nie self kan voorsien nie. In die kerk geskied dit alles volgens Bybelse norme. Liefde vir God en die naaste is in al die aksies die dryfveer. In die onderlinge meelewing word die diakens dikwels bygestaan deur die Susters - 'n groep vrouelidmate wat in die gemeente saamwerk op verskeie terreine en 'n verskil maak in hulle kring en daarbuite. Op hul eie reël die Susters ook hul eie byeenkomste, funksies en bystandsprojekte. Hier is ons gemeente se Jaarprogram vir 2010 U kan die meeste groepe, ampsdraers en die predikante per e-pos bereik, of skakel die kerkkantoor.
|
Internet Explorer 5+ en 
Firefox 2+ ::