2011 se Huisbesoeke

Ons wil graag in die komende jare weer nuut kyk na ons gemeente se gehoorsaamheid aan die oproep van Openbaring 22:17 "En elkeen wat dors het, moet kom; elkeen wat die water van die lewe wil hê, moet dit kom kry, verniet!". Ons vat dit saam in die tema: Strome lewende water. Hierdie tema is geformuleer uit Johannes 7:38 en dui op die gevolge van wanneer iemand werklik sy geestelike dors by Jesus Christus kom les.

Hierdie jaar gaan ons DV meer aandag daaraan gee om strome lewende water te DRINK.

Sien ook die beloftevorm vir bydraes en begeleidende brief vir bydraes.
(In Adobe Acrobat formaat).

Die huisbesoekbriewe vir 2011 is almal in PDF formaat wat met Adobe Acrobat Reader of soortgelyke programme gelees kan word.

• Februarie 2011: Is ons Dors?
  Water is lewensbelangrik vir lewe! Ons kan verstaan hoekom die lsraeliete so moedeloos gevoel het in die woestyn. Sonder water sou hul liggame se normale funksionering geaffekteer geraak het. Drink ek genoeg van die Lewende Water?

2010 se Huisbesoeke

Die Gereformeerde Kerk Bellville-Oos het 'n besondere roeping van die Here ontvang. 'n Gedeelte daarvan is vasgevang in die twee gedenkplate / hoekstene in die voorportaal van ons kerkgebou. Op beide die gedenkplate is daar 'n aanhaling uit Openbaring 22:17 "Laat hom wat dors het, kom" en "die water van die lewe is verniet." Ons wil graag in 2010 weer nuut kyk na ons gemeente se gehoorsaamheid aan die beginsels van hierdie gedeeltes.

Die huisbesoekbriewe vir 2010 is almal in PDF formaat wat met Adobe Acrobat Reader of soortgelyke programme gelees kan word.

• November 2010: Kom met `n verwagting!
  Met watter verwagtinge kom jy na God toe? Wat leer ons uit Die Bybel oor wat ons kan verwag? Luister weer na die Here se oproep om te kom uit Jesaja 55:1-6.
• Augustus 2010: Kom na My toe, die lewende water!
  Tydens die Huttefees roep Jesus Chrisuts uit: "As iemand dors het, laat hy na My toe kom en drink! Met die een wat in My glo, is dit soos die Skrif sê: Strome lewende water sal uit sy binneste vloei". Wat doen ons met Jesus se uitnodiging?
• Mei 2010: 'n "Kom!"-sê-kerk
  Soos die Here ons uitnooi na Hom toe, moet die kerk ook mense aantrek. Ons moet groei in wat die Bybel gasvryheid noem.
• Februarie 2010: Strome lewende water
  Tydens hierdie huisbesoek gaan ons ter inleiding selfondersoek doen of ons Geesvervuld 'n stroom lewende water is.

2009 se Huisbesoeke

Liturgie is 'n Griekse woord, en dit beteken al die gebede, handelinge en liedere wat tydens 'n erediens plaasvind.

Tydens 2009 se huisbesoeke word die verskillende fasette van die erediens bespreek. Elke huisbesoekbrief bevat ook opsommings van sinodebesluite oor die fasette van die liturgie wat tydens die huisbesoek behandel word.
2009 se huisbesoekbriewe is almal in Microsoft Word 97-2002/XP dokument-formaat.

• Februarie 2009: Ontmoetingsdiens
  Sluit die Votum, Groetseën, Lofpsalm en Geloofsbelydenis in
• Mei 2009: Verootmoedigings- en versoeningsdiens
  Sluit die verootmoediging voor God, skuldbelydenis en smeking om genade, genadeverkondiging (Die vryspraak van God) en die afkondiging van die wet as reël vir ons dankbaarheidslewe in
• Augustus 2009: Woorddiens
  Hieronder val die Selfstandige Skriflesing, die Skriflesing waaruit die prediking voortvloei, die prediking en die sakramente
• Oktober 2009: Antwoorddiens
  Die Dank- of Antwoorddiens is die gemeente se antwoord op al die voorafgaande liturgiese hoofmomente. Dit vind gestalte in die gebed na die Woordiens, in die gee van liefdegawes, ons sang en ook in ons praktiese lewe van elke dag.

U ouderling sal gewoonlik die tema van die huisbesoek met u tydens huisbesoek bespreek, tensy daar 'n ander saak is wat aandag verg. U kan dit ook op 'n later stadium met hom bespreek.