Voorskool: Kinderkerk

Baie welkom by ons Kinderkerk!  Hier is die plek waar ons leer van ons Here en waar n kind net kan kind wees.  

Ons doel met die kinderkerk  is om kinders van die Here se liefde en genade te leer en hulle opgewonde daaroor te maak.  Hulle moet huis toe gaan met ‘n boodskap en hulle moet deel in die opwinding om ‘n kind van God te wees. Ons wil graag hê dat hulle op ‘n Sondagoggend opgewonde opstaan en weet dat hulle God vandag gaan dien in ‘n plek waar hulle met vrymoedigheid kind kan wees.  Kinderkerk begin Sondae oggende om 09:30.  Ons sien uit om jou daar te sien.

 

Laerskool Jeug

Die Laerskooljeug bied ten minste een keer ‘n kwartaal ‘n lekker aksie aan vir al die kinders van graad 1 tot 7 van GKBO. Maar maats is altyd welkom! Inteendeel, ons moedig julle aan om jul maats na ons gemeente te nooi.

Ons kinders is in baie verskillende skole, daarom wil ons graag op ‘n informele wyse vir die kinders die geleentheid gee om mekaar beter te leer ken.

Met hierdie geleenthede wil ons hulle ook geestelik versterk, om die jeug betrokke te hou by die gemeente. Ons poog ook om soveel moontlik ouers te betrek by die aksies.

Laerskooljeug inkleurkompetisie:

Inkleurkompetisie: Jy het reg gelees! Het jy al ooit deelgeneem aan ‘n Inkleurkompetisie? Hier is jou kans! Klik hier vir meer Inligting en Prente

Mimiek

 

 

Mimiek is vir die hoërskooljeug van GKBO, dus alle graad 8 tot 12’s. Ons naam is Mimiek omdat ons nie net wil sê ons glo nie, maar dit ook wil wys met ons dade. Net soos ‘n mimikus nie woorde nie, maar dade gebruik om sy storie te vertel. Mimiekbyeenkomste is ongeveer elke twee weke, meestal op Sondagaande. Aan die einde van 2012 is kleingroepie gestig, elk met jong werkendes as groepleiers. In die kleingroepe probeer ons nader aan die Here, nader aan mekaar en nader aan die wêreld te leef.

Ons streef daarna om Mimiekbyeenkomste leersaam en lekker te maak sodat almal dit sal geniet en daarby sal baat. Tans is daar ‘n Mimiekbestuur wat saam met Reynold Fourie byeenkomste reël.

Elkeen wat Mimiek bywoon moet dit geniet, nuwe vriendskappe opbou en iets leer oor ons Skepper en Here sonder wie Mimiek nie mooontlik sou wees nie.

 Mimiek foto's en video's